Li gorî encama anketa JPPIê Cihûyên Amerîkayê di serdema nêz de Îran, Yemen, Katar û Tirkiyeyê ji bo cihûyan wek gefên xeternak dibînin. Tê gotin ku Katar jî di serdema nêz de ji bo Îsraîl û cihûyan gefeke mezin e.
Rojnameya Jerusalem Postê anketek fikarên ewlehiyên ên gelê Cihû dipîve weşand. Enstituya Polîtîkayên Gelê Cihû (JPPI) anketek ji bo gefên li ser Cihûyan çêkir. Anket hem di nav Cihûyên li Îsraîlê dijîn û hem jî di nav cihûyên li Amerîkayê dijîn de hate çêkirin. Li gorî cihûyên li Îsraîlê Tirkiye wekî gefa duyemîn bes li gorî yên li Amerîkayê wekî gefa 4emîn hate dîtin.
Li gor encama Anketa JPPIê Cihûyên Amerîkayê di serdema nêz de Îran, Yemen, Katar û Tirkiyeyê ji bo cihûyan wek gefên xeternak dibînin. Beşdarên anketa JPPIê, Tirkiyeyê jî ji bo ewlehiya neteweya cihûyan wek xetereya di rêza 4an de destnîşan dikin. Ev anket, di nava Cihûyên beşdarên panela “Dengê Gelê Cihû” bûn de pêk hat. Ji beşdaran pirsên derbarê xetereyên li ser ol û siyaseta Cihûyên Amerîkayê de hat kirin.
‘Îran xetereya yekemîn e’
Beşdaran Îran, Yemen, Katar û Tirkiye jî di nav de hin welat ji bo ol û siyaseta Cihûyên Amerîkayê wek xetere pênase dikin. Ji sedî 83ê beşdaran Îranê ji bo “hebûna” Cihûyan xetereya giran dibînin. Ji van başdaran ji sedî 57ê wan dibêjin xetereya mezin û ji sedî 25ê wan tenê di hin aliyan de Îranê wek xetere dibînin. Di nava Cihûyên Amerikayê de Qatar wek xetereya duyemîn tê dîtin. Li gor anketê Yemen sêyemîn û Tirkiye çaremîn xeternak tê dîtin.
Li Îsraîlê Tirkiye xetereya duyemîn e
Lê li gorî daneyên anketên JPPIê li Îsraîlê çêkirî encam naşibin vê anketê derketine holê. Cihûyên Îsrailê jî Îranê ji bo xwe xetereya yekemîn dibînin. Lê di rêza duyemîn de Tirkiyeyê û di rêza sêyemîn de jî Qatarê destnîşan dikin.
Dijberiya Cihûyan di nav komarperestan de zêde dibe
Encameke balkêş ya din ku di anketa JPPIê de dertî ev e: Cihûyên Amerikayê diyar dikin ku di nava komarparêzîn Amerîkayê de dijberiya cihûyan her diçe zêdetir dibin.
