Stenbol – TJA li Gemlîkê meşek li dar xist. Jinên ku tev li meşê ya ber bi Gemlîkê ve bûn diyar kirin ku ew ji bo azadiya Rêberê Gelê Kurd Abdullah Ocalan dimeşin gotin: “Em ê heta ku Rêberê me azad bibe li ber xwe bidin.”
Aktivîstên Tevgera Jinên Azad (TJA) bi armanca azadiya fîzîkî ya Rêberê Gelê Kurd Abdullah Ocalan pêk bînin û çareseriya pirsgirêka Kurd mîsoger bikin duh ji bajarên Tirkiyê û Bakurê Kurdistanê hatibûn Gemlîkê. Jinên di têketina Gemlîkê de hatine sekinandin, li vê derê meşiyan, daxuyanî dan û diyar kirin divê demildest hiqûqa pêvajoyê bê amadekirin û şert û mercên azadiya fîzîkî ya Abdullah Ocalan bên amadekirin.
Jinên ku tev li meşê bûne diyar kirin ku ev meş ji bo azadiya Rêberê Gelê Kurd Abdullah Ocalan e, dan zanîn ku Abdullah Ocalan hêviya wan e û destnîşan kirin ku ev jî ji bo hêviyê meşê li dar dixin.
Jinan bi bîr xistin ku heta ku Rêberê Gelê Kurd Abdullah Ocalan bi awayikî fizîkî azad nebê ew ê çalakiyên xwe berdewam bikin û gotin dem dema azadiya Rêberê Gelê Kurd Abdullah Ocalan e.
