DEM Partî do sergêra yewin a wefatê ey de Sirri Sureyya Onderî mezela ey a Goristanê Zîncîrlîkuyu yê Stenbolî de ser o yad bikera.
DEM Partî do 3yê Gulane roja yewşeme sergêra yewin a wefatê ey de seba Sirri Sureyya Onderî mezela ey a Goristanê Zîncîrlîkuyu yê qezaya Şîşlî ya Stenbolî de programêkê yadkerdişî organîze bikero. Programê yadkerdişî do saete 13:00î de dest pêbikero. DEM Partî hesabanê xo yê medyaya sanale bi sernameyê “Qasidê aştî ma ti xo vîr ra nêkerdê û ma xo vîr nêkerê” û dîmenêkê Sirri Sureyya Onderî yad kerd û seba beşdarîya merasîmê yadkerdişî veng da welatîyan.
