Hemserekê ÎHD’yî Îzmîrî yo verên avûkat Alî Aydin rayîrê qezaya Çîglî yê Îzmîrî ser o kişte ame vînayene. Ame zanayene ke Alî Aydin encamê hêrişêkî de ameyo kiştene.
Dimayê agahdarkerdişî ekîbê polîsî sewqê cayê hedîse ameyê kerdene. Cenazaya Alî Aydinî dimayê cigêrayîşan berde Sazgehê Tipê Edlî yê Bucayî. Derheqê sebebê hêrişî de tu agahî nêameyê girewtene. Mudirîyetê Polîsan ê Îzmîrî dîyar kerd ke înan faîlê hedîseyî M.D.E’yî (28) destbend kerdo.
