Leşkerên Tirk li bajarokê Silûk yê Eyn Îsayê ya ku ji aliyê komên paramîlîter ên girêdayî Tirkiyeyê ve hatiye dagirkirin, li ser ciwanekî gule reşandin. Ciwanê bi navê Mihemed El Casim li cihê bûyerê jiyana xwe ji dest da.
Leşkerên dewleta Tirk, li nêzî gundê Um El Beramîl yê li rojhilatê Eyn Îsa yê li ser rêya M4 ya navnetewî ku komên paramîlîter dagir kiriye, ciwanê bi navê Mihemed Ehmed El Casim gulebaran kir. Di encamê de El Casim di êrîşê de jiyana xwe ji dest da. Dayika El Casim ku ew jî bi kurê xwe re bû, da zanîn ku ew ji bo dermankirinê çûbûn herêmên Rêveberiya Xweser. Piştî ku karê xwe qedandin, vegeriyan gundê xwe lê rastî gulebarana leşkerên Tirk hatine.
