Hat zanîn ku 3 kesên ku bi hinceta tevlî çalakiyên meha çileyê bûne hatibûn girtin, bi sûcdariya “teror” û “serhildanê” li Meşhedê hatin darvekirin.
Li gorî Ajansa Nûçeyan a Tasnim a nêzî Artêşa Mûhafizên Şoreşê, Mehdî Resûlî, Mihemed Riza Mîrî û Îbrahîm Dewletabadî bi sûcdariya “li dijî ewlehiya civakê çalakiyên terorê pêk anîne”, “bi dewletên dijmin re hevkarî kirine” û “serhildanê” hatine darizandin îro serê sibehê li Girtîgeha Vakilabad hatin darvekirin.
Girtin û darvekirin zêde bûn
Tê diyarkirin ku li Îranê girtin û darvekirin, bi taybetî têkildarî protestoyên ku zivistana borî qewimîn in. Tê ragihandin ku darvekirin piştî şerê herêmî yê 28ê Sibatê bi êrîşên Dewletên Yekbûyî yên Emerîka (DYE) û Îsraîlê re destpê kiriye, zêde bûne.
Li gorî Rêxistina Efûyê ya Navneteweyî û rêxistinên din ên mafên mirovan, Îran piştî Çînê welatê ku herî zêde cezayê îdamê pêk tîne ye.
Rayedarên Îranê jî îdîa dikin ku pêla protestoya dawî ya ku di meha Çileyê de gihişt lûkteyê, di destpêkê de aştiyane bû lê piştre ‘bi mudaxileya hêzên biyanî veguherî serhildanên hatine sorkirin’. Li gorî daxuyaniyên fermî di vê pêvajoyê de zêdeyî 3 hezar kesî jiyana xwe ji dest da.
Darvekirin îsal ji sedî 68 zêde bûn
Li gorî daneyên rêxistinên mafên mirovan, li welêt hejmara darvekirinan gihişt asta herî jor a salên dawî. Li gorî rapora hevpar a Rêxistina Mafê Mirovan a Îranê û Bi hev re li dijî cezayê darvekirinê (Ensemble contre la peine de mort), sala 2025an li Îranê herî kêm hezar û 639 kes hatin darvekirin. Ev hejmar ji sala 1989an û vir ve, weke hejmara herî bilind bal dikêşe.
Di raporê de hate diyarkirin ku li gorî 975 darvekirinên sala 2024an, darvekirina îsal ji sedî 68 zêde bûne.
