Li bajarên peravê yên li herêma navîn a Vietnamê, baran zêde bariya. Piştî barana zêde lehî rabû. Di hefteyekê de herî kêm 35 kes mirin. 5 kes jî winda bûn.
Li bajarên herêma peravê bi rojan e baran zêde dibare. Ji ber barana zêde lehî rabû. Daîreya Bendan û Rêveberiya Afetan a Vietnamê (VDDMA) diyar kir ku li bajarên Huê, Da Nang, Lam Dong û Quang Tri’yê 35 mirovan jiyana xwe ji dest dan. Bajarê Hoi An, di lîsteya Mîrateya Cîhanê ya UNESCO de ye û bajarekî dîrokî ye. Ji ber lehiyê yek ji bajarê herî zêde bandora herî giran lê bû Hoî ye. Li Hoi An’ê kolan tijî av bû, zemînê dikanan di bin avê de man.
Rayedaran diyar kirin ku hejmara qurbaniyan gihîştiye 35 kesan û 5 kes jî hîn winda ne. Li gorî rayedaran zêdeyî 16 hezar û 500 mal di nava avê de man, 5 hezar hektar zeviyên çandiniyê zerar dîtin û 16 hezar heywan mirin. Hate ragihandin ku zêdeyî 150 caran hezazê rû da, gelek rê jî xera bûn.
