Malbatên girtiyên nexweş û Komîsyona Girtîgehan a ÎHDê xwestin ku nexweşên giran Firat Nebîoglu û Mecît Başdaş serbest bêne berdan.
Xizmên girtiyên nexweş û Şaxên ÎHDê yên Enqere û Stenbolê ji bo girtiyên nexweş bêne berdan çalakiyên xwe yên hefteyî berdewam kirin. Di daxuyaniyên çapemeniyê yên li Enqere û Stenbolê de bal kişandin ser pirsgirêkên tenduristiyê yên girtiyên nexweşên giran û xwestin girtî serbest bêne berdan.
Stenbol
Komîsyona Girtîgehan a Şaxa ÎHDê ya Stenbolê çalakiya xwe ya heftane ya ‘Rûniştina F’ ya heftane li ber avahiya Şaxê pêk anî. Di çalakiya vê hefteyê de bal hat kişandin ser pirsgirêkên tenduristiyê yên Firat Nebîoglû yê li Girtîgeha Bi Ewlekariya Bilind a Hejmara 1emîn a Amedê bi giranî nexweş e. Di daxuyaniyê de pankartên bi nivîsa ‘Tedawî maf e û nikare were astengkirin’ û ‘Girtiyê nexweş Firat Nebîoglu bila were berdan’ hatin hildan û dirûşmên wekî ‘Bila girtiyên nexweş serbest werin berdan’ û ‘Tecrîd dikuje, hevgirtin jiyan e’ hatin berzkirin.
Endamê Komeleya Mafên Mirovan (ÎHD) Mehmet Acettîn, diyar kir ku Firat Nebîoglu (27) ji ber ku gurçik a kronîk, kor bûn û giran bihîstinê û her wiha felç ji sedî 92 rapora astengdariyê heye û wiha got: “Nebîoglû ku divê hefteyê sê caran diyalîzê re derbas bike, ji bo jiyana xwe bidomîne bi lezgînî pêwîstî bi neqla gurçikê heye.”
Mehmet Acettîn diyar kir ku Nebîoglû ji bo taloqkirina înfaza wî şandine Saziya Tipa Edlî, lê belê saziyê bi yekdengî ‘rapora li girtîgehê bimîne’ daye Nebîoglû. Hat gotin ku ji bo Nebîoglu donora guncav hatiye dîtin jî ji ber ku di girtîgehê de ye nekarin neqil bê kirin û daxwaza tehliyeyê kir.
Enqere
Înîsiyatîfa ji Girtiyên Nexweş re Azadî çalakiya xwe ya hefteya 560emîn a têkildarî girtiyên nexweş li Kolana Sakarya ya Enqereyê li dar xist. Di daxuyaniya vê hefteyê de bal hat kişandin ser rewşa girtiyê nexweşê giran Mecît Başdaş (70) ê li Girtîgeha Girtî ya Tîpa L a Patnosê girtî ye. Di daxuyaniyê de pankarteke ku digot, ‘Tedawî mafek e, nikare were astengkirin. Divê girtiyên nexweş serbest bên berdan’ hat vekirin.
Endama Lijneya Rêveberiya Navendî ya ÎHDê Nuray Çevîrmen daxuyanî da û bi bîr xist ku Başdaş ê ku bi kansera mîzdankê ketiye di sala 2022 an de emeliyat bûye. Nûray Çevîrmen da xuyakirin ku Başdaş dixwaze ji bo kontrolên asayî biçe û di nava 2 salan de bi tenê carekê ji bo kontrolê birine.
Nûray Çevîrmen ji bo tedawiyê daxwaza berdana Başdaş kir.
