Tirkiye bi rêya medyaya xwe ji bo bandorê li ser hevdîtinên di navbera Rêveberiya Xweser ya Bakur û Rojhilatê Sûriyeyê û Hikûmeta Demkî ya Şamê de tên meşandin bike, bi gotegotên wek, “operasyonê” asta şerê psîkolojîk derxist asta herî jor. Îro balefirên di çarçoveya tetbîqata Hevpeymana Navneteweyî û HSDê de firiyan wekî, “balefirên Tirkiyeyê yên amadekariya şer dikin” hatin serwîskirin.
Di navbera Rêveberiya Xweser ya Bakur û Rojhilatê Sûriyê û Hikûmeta Demkî ya Şamê de berdewam dikin. Tirkiye ku vê pêvajoyê dişopîne hewl dide pêşketina di navbera her du aliyan de asteng bike. Ji ber vê yekê di demên dawî de li aliyekê di asta Serokkomar Tayyîp Erdogan de gef li Kurdan tê xwarin û li aliyê din jî li ser medyaya Tirk bi nûçe wek, “Operasyona li dijî HSDê” gotegotên şer tên belavkirin. Herî dawî dîmenên tedbîqata Hevpeymana Navneteweyî û HSDê ya hevpar ji hêla medyaya Tirk ve wekî amadekariyên şer ên Tirkiye ve hatin serwîskirin.
‘Şerê psîkolojîk encam nade’
Li gorî çavkaniyek ji siyaseta Kurd li Sûriyeyê hêdî be jî pêvajoyek dimeşe û ev yek Tirkiyeyê ditirsîne. Çavkanî anî ziman ku niha li Sûriyê hêza çareseriyê asteng dike Tirkiye ye û wiha got: “Tirkiye hewl dide Sûriyeyê li gorî dilê xwe teşe bike, lê ev li gorî rastiyên heyî nîn e. Wekî armanca xwe ya sereke jî bêstatu hiştina Kurdan dibîne. Ji bo vê hemû enstrûmanan bikar tîne. Ji van yek jî şerê taybet û psîkolojîk ên li ser medyayê tê maşandin e. Bi gefên ‘operasyonê’ hêvî dikin ku Kurd ji mafê xwe yên statuyê dest berdin. Lê tu hêz û tu gef nikarin vê yekê bi Kurdan bidin qebûlkirin.”
‘Hewldanên medya Tirk vikûmala ne’
Çavkanî anî ziman ku bi rêya medyayê û nûçeyên derew hewl didin li ser gel bandorê bikin û ev tişt got: “Nêzîkatiyek pir erzan heye li Tirkiyeyê. Ev lîstikên îstîxbarî ne û ji hêla dezgehên îstixbaratê ve bi armancekê tên serwîskirin. Dîmenên tedbîqata îro qada El Omer ji hêla Hevpeymana Navneteweyî û HSDê ve hevpar hatin kirin jî wekî amadekariyên Tirkiyeyê hatin nîşandayîn. Lê balefirên li ser Reqa û Dêrazorê firiyan aîdî hevpeymaniyê bûn û bi armanca perwerdehiyê firiyan. Medyaya Tirk ev dîmen manîpûle kirin û bi armanca şerê psîkolojîk weşandin. Lê hewldanên medyaya Tirk vikûvala ne.”
