Kilama “Cangîr Axa” ku dengbêj Mihemedê Serhedî ji nû ve şirove kiriye, di weşanê de ye.
Performansa zindî ya dengbêj Mihemedê Serhedî ku ew tê de vê berhema gelêrî ya dengbêjiyê ji nû ve şirove dike, qeyda wê li ser platformên dîjîtal hatiye weşandin.
Mihemedê Serhedî yê ku di van mehên borî de performansa wî ya zindî ya “Xecê û Siyabend” ji aliyê Kom Muzîkê ve hatibû weşandin, niha jî bi şiroveya xwe ya kilama “Cangîr Axa”derdikeve pêşberî guhdarên xwe. Mihemedê Serhedî di konsereke Stenbolê de bi dengbêj Şoreş Mehmûdî û Hediye Kalkan re derketibû ser dikê û qeydên wê konserê jî li ser platformên dîjîtal bi etîketa Kom Muzîkê dem bi dem parçe parçe tên weşandin.
Biyografiya Mihemedê Serhedî
Mihemedê Serhedî di sala 1972yan de li gundê Dêrcemedê ya navçeya Qelqeliya Wanê ji dayik bûye; li gundê ku lê ji dayik bûye dest bi dibistana seretayî kiriye û demekê li navçeyên Bêgirî û Erdîşê perwerdeya xwe domandiye. Di 15 saliya xwe de hatiye Stenbolê û dest bi xwendina muzîkê kiriye. Di sala 1999an de li Navenda Çanda Mezopotamyayê (NÇM) dest bi stranbêjiyê kiriye û di damezrandina komeke muzîkê de cih girtiye ku di bin banê wê de muzîkjenên ciwan ên wekî wî hebûn e. Li rex xebata xwe ya muzîka Kurdî ya tradîsyonel, bi kesên ku muzîka Kurdî bi şêweyên cuda pêşkêş dikin re jî hevkarî kiriye. Hunermend Mihemedê Serhedî di heman demê de yek ji damezrînerên projeya “Hevdeng”ê ye ku bi etîketa Kom Muzîkê hatiye belavkirin
