Hevserokê Ofîsa Têkiliyên Giştî yê MSDê Hesen Mihemed Elî diyar kir ku bi Hikûmeta Demkî re li ser entegrasyona HSD û Sûriyek bênavend pêk hatine. Mihemed Elî got ku êdî tişta mayî hûrgiliyên pêvajoyê û bicihanîna wê ye. Fermandar Mazlûm Ebdî jî hefteya çûyî diyar kiribû ku dê hind pêşketinên erênî yên li ser hin xalan bi raya giştî re parve bike.
Hevserokê Ofîsa Têkiliyên Giştî yê Meclisa Sûriya Demokratîk (MSD) Hesen Mihemed Elî li ser têkiliyên di navbera Rêveberiya Xweser a Başûr Rojhilatê Sûriyê û Hikûmeta Demkî ya Sûriyê de daxuyaniyên girîng dan. Alî di bernameyek televîzyonê de bi bîr xist ku hevdîtinên mi Şamê re berdewam dikin û wiha got: “Wekî rêgezî mûtabaqat heye ku HSD wekî sê tûmenan tev li artêşa Sûriyê ya nû bibe. Lê di warê pênaseya mîsyona van tûmenan de hemfikirî nîne. Nîqaş li ser vê mijarê kûr bûne. Di navbera komîteyan de nîqaşa li ser vê mijarê berdewam dike.”
Wekî rêgez bênavendîbûn tê qebûlkirin
Li ser mijara pergalek bênavendîbûnê jî Mihemed Elî destnîşan kir ku Hikûmeta Sûriyê wekî rêgez li dijî bênavendîbûnê dernakeve û wiha domand: “Lê di vê mijarê de jî di aliyê konsepta pêkanînê de Rêveberiya Xweser û Hikûmeta Demkî cuda difikirin. Nîqaş û mûzakereyên têkildarî vê mijarê jî berdewam dikin.” Alî derbirî ku DYA, Ingilîstan û Fransa jî di aliyê pergalek bênavendî de xwedî nêzîkatiyek hevpar in. Alî anî ziman ku Serok Dewletê Sûriyê Ahmed el-Şara jî di vê mijarê de xwediyê helwestek erênî ye bes zêdetir pêwistî bi nîqaş, guft û goyan heye.
‘Dora bicihanîna peymanê ye’
Mihemed daxuyand ku peyman dê xirab nebe bes ji bo bicihanîna wê pêwistî bi demê heye û ev tişt gotin: “Di aliyê dema bi cinanînê de jî sînorek nîne. Teqwîmek mîna dawiya mehê nehatiye zelalkirin. Îhtîmal heye ku dem dirêj bibe. Fermandarê Giştî Mazlûmm Ebdî jî hefteya borî destnîşankiri bû ku dê pêvajoya peyman çêkirinê pêş bikeve û dê têkildarî pêşketinên erênî yên li ser hind xalan bi raya giştî re par ve bike.
Netanyahû: Em û DYA li ser mijara Sûriyê hemfikirin
Têkildarî pêşketinên Sûriyê ligel hevdîtinên di navbera Rêveberiya Xweser û Hikûmeta Demkî de trafîka dîplomasiyê ya li herêmê jî zêde bû. Nûnerê Taybet ê Sûriyê yê Trump Tom Barrack di 15ê Kanûnê de bi Serokwezîrê Sûriyê Tom Barrack re hate cem hev. Di hevdîtina kabîneya Îsraîlê jî tevlê bû de hate daxuyandin ku rewşa Sûriyê û Gazeyê hatiye nirxandin. Di çapemeniya Îsraîlê de hate destnîşankirin ku Îsraîlê xetên xwe yên sor bi zelaltir anîne ziman. Netanyahû jî di daxuyaniye piştî hevdîtinê kirî de derbirî ku bi DYAyê re li ser mijara Sûriyê hemfikirin.
Israra Tirkiye encam nade, Erdogan gefan dixwe
Barrac li dû hevdîtina li Israîlê di 16ê Kanûnê de vegeriya Enqereyê û bi Wezîrê Karên Derve Hakan Fîdan re hate cem hev. Piştî hevdîtinê daxuyanî nehat dayîn lê Erdogan di civîna sefîrên Tirk de axivî û zimanek gefdar bikar anî. Erdogan bi gotina, “Ji perçebûna Sûriyê kê fayde digire, diyar e” îşaret bi Îsraîlê kir. Her wiha Erdogan îdîa kir ku ji bo li Sûriyê entegrasyon pêk bê şîretan dikin û bi gotina, “Ger entegrasyon pêk neyê dê dijwarî derkevin” gef li kurdan xwar. Li gorî çavkaniyên ewlehiyê Barrack pemanên Îsraîlê gihandin Enqereyê lê di mijarên Gaze û Sûriyê de her du dewlet ji hevlêkirinê dûr in. Çavkaniyan anî ziman ku israra Tirkiyeyê ya bêsatatû hiştina kurdan jî êdî encam nade.
