Komîsyona Bilind a Serbixwe ya Hilbijartinê ya Iraqê rêjeya beşdariya hilbijartinên Parlamentoya Iraqê aşkere kir û daxuyand ku hejmara kesên dengê xwe bi kar anîne ji %56 derbaz kiriye.
Li gor daxuyaniya Komîsyona Bilind a Serbixwe ya Hilbijartinê ya Iraqê, rêjeya beşdariya deng û hêjmara dengderên beşdarî hilbijartinên Parlamentoya Iraqê bûne aşkere kir.
Li gor daxuyaniya komîsyonê, di dengdana giştî di ji %56.11 kes beşdar bûne ku ev jî, li beramberî 12 milyon û 9 hezar û 453 kesane. Hejmara dengderên hilbijartinên Parlamentoya Iraqê 21 milyon û 404 hezar û 291 kesin.
Têkildarî parêzgehên Herêma Kurdistanê jî, rêjeya herî zêde ya beşdariya dengdanê li Dihoke hatiye tomarkirin ku rêjeya wê ji %76.7 e. Piştî Dihokê ji %69.2 Hewlêr di pileya duyem de û Silêmaniyê jî bi rêjeya ji %56.87 di pileya sêyemîn de cih digire.
Her wisa komîsyonê eşkere kir ku rêjeya beşdariyê ya Kerkûkê jî ji %64.12 û li Nînova jî ji %64 bû. Her wiha komîsyonê eşkere kir ku li Diyalaj i %55.49 bû.
Hêjayî bibîrxistinê ye ku hilbijartina gera şeşemîn ya Parlamentoya Iraqê duh hat kirin. Rêjeya dengdana taybet ji %82.4 bû. Biryare vê êvarê Komîsyona Bilind a Serbixwe ya Hilbijartinê ya Iraqê encamên destpêkê yên hilbijartinê eşkere bike.
