* Di Newroza Amedê ya 2014an de nameya Rêberê Gelê Kurd Abdullah Ocalan hat xwendin. Abdullah Ocalan di nameya de wiha dibêje: “Aştî ji şer zortir e, lê aştiyeke her şerî jî heye. Dema ku me li ber xwe dida em neditirsiyan, dema ku em li hev bên jî em ê netirsin.”
* Welatiyen tevlî civîna gel a Amedê bûn têkildarî banga Rêberê Gelê Kurd Abdullah Ocalan axivîn. Welatiyan diyarkirin ku dê ji bo azadiya fizîkî ya Rêberê Gelê Kurd Abdullah Ocalan têbikoşin û gotin: “Em bi Rêber Abdullah Ocalan bawer in.”
* Parlementera DEM Partiyê ya Mêrdînê Berîtan Guneşê destnîşan kir ku banga Rêberê Gelê Kurd Abdullah Ocalan li çar parçêyên Kurdistanê û Rojhilata Navîn bibe çarenûsa gelan û got: “Banga Rêzdar Abdullah Ocalan behsa civaka demokratîk, demokrasiyê û bi hev re jiyînê dike.”
* Endamê Meclisa DBPê Hîkmet Doman çavdêriyên xwe yên li ser civînên gel ên di çarçoveya banga Aştî û Civaka Demokratîk de parve kir û got: “Gel herî zêde li dijî dewletê bi fikar e û di serî de dixwaze dewlet gavên çareseriyê bavêje.”
* Starta Newroza îsal li navçeya Licê hate dayîn. Welatiyên tev li Newrozê bûn wiha gotin: “Em dixwazin serokê me bê berdanê di nava me de be.
* Agirê Newrozê dê li navçeya Xalfetî ya Riha, navçeya Sûrê ya Amedê û Qedîfekale ya Îzmîrê bi girseyî bê pîrozkirin. (11.00-19.00)
* Di çarçoveya banga Aştî û Civaka Demokratîk de dê li gelek navendan civînên gel bêne li darxistin. (12.00-14-00)
