Nûçegihana MAyê Zeynep Durgut ji ber ku nûçeya “çeteya fihûşê” çêkir, ji aliyê malbata Tatar ve bi gefan re rû bi rû ma.
Nûçegihana Ajansa Mezopotamyayê (MA) Zeynep Durgut li Şirnexê nûçeya “Çeteya Fihûşê” ya di sala 2013an de ji 25 kesan pêk dihat û di nav wan de endamên malbata Tatar jî hebûn di 24ê Sibatê de wekî nûçeyek rêze dosye amade kiribû. Zeynep Durgut ji ber ku rastiya vê “çeteya fihûşê” derxist holê aliyê endamên malbata Tatar ve bi gefan re rû bi rû ma.
Xizmê kiryarên “çeteya fihûşê Kenan Tatar bi rêya telefonê li rojnameger Zeynep Durgut geriya û gef lê xwarin. Kenan Tatar ev gef li Zeynep Durgut xwarin: “Em dizanin ku hûn kî ne. Em zanin hûn ji ku derê hatine. Em ê li pey te bin û em ê vê yekê ji te re nehêlin. Bi rêya darazê em ê tiştên pêwîst pêk bînin.”
Zeynep Durgut diyar kir ku ew ê derbarê gefên ku lê hatine xwarin de gilî bike.
