Çalakiya nobetê ya li Bendava Tişrînê 51 rojin didome. Gel bi coşek mezin li ser bendavê govendê digerîne û li benda peyama Reberê PKKê Abdullah Ocalan e.
Ji 8ê Çileyê gelê Herêma Bakur û Rojhilatê Sûriyeyê ji bo parastina bendavê û nîşandana dijbertiya xwe li hemberî êrişên dewleta Tirk, li bendava Tişrînê nobetê digirin. Çalakiya nobetê di roja xwe ya 51 bi koma ji kantona Firatê dewam dike. Nobedarên bendavê ku bi coş û moraleke nobetê digirin, li ber stranên şoreşgerî govendê digerînin. Nobeta li Bendava Tişrînê dê heya rawestandina êrişan dewam bike.
Di 51 rojan de Tirkiyeyê gelek caran bi SÎHA êrîşî çalakgerên nobetê kir û herî kêm 24 kes hatin kuştin û 221 kes jî birîndar bûn. Lê gel tevî hemû êrîşan bi coşek mezin nobeta xwe berdewam dike.
