* Rêberê Gelê Kurd Abdullah Ocalan ji çareseriya pirsgirêka Kurd “entegrasyona demokratîk” pênase dike. Ji bo vê yeke jî behsa “qanûnên azadiyê” dike. Ocalan pêşniyar dike ku ji bo çareseriya bingehîn a pirsgirêkê divê li ser “hiqûqa tevahî” (holîstîk) were sekinin, teqez dike ku pêdivî bi prensîba “mafê hêviyê” heye û da zanîn ku divê di zûtirîn dem de ev gav werin bicihanîn.
* Hevserokê KNKê Ahmet Karamus anî ziman ku bi êrişên li ser Îranê û geşedanên li Rojhilata Navîn re yekîtiya neteweyî ya Kurd li ser partiyên ferz bûye û got: “Tirkiye jî amadekariyan dike ku destwerdana Rojhilatê Kurdistanê bike. Divê em hişyar bin. Divê em dereng nemînin û zûtir yekîtiya xwe ava bikin.”
* Jinên ku li Stenbolê tev li çalakiya 8ê Adarê bûn diyar kirin ku 8ê Adarê roja jinan e û divê tevahiya jinan di 8ê Adarê de li qadan xwedî li hev derkevin û gotin: “Jin dixwazin polîtîkayên baviksalarî ji holê bên rakirin. Em ê 8ê Adarê li qadan banga azadiya jinan bikin.”
* Jinan di çarçoveya çalakiyên 8ê Adarê de li navçeya Bismilê tev li meşê bûn destnîşan kirin ku mafê jiyanê yê jinan tê binpêkirin û xwestin ku jin li dijî kuştin û tundiyê xwedî li hev derkevin.
* Serokê Navenda Mafên Mirovan ê Baroya Êlihê parêzer Rostem Siyahtaş diyar kir ku “Mafê Hêviyê” ne mafekî siyasiye, mafekî mafekî hiqûqiye û got: “Divê ev tişt bi pêvajoyê ve neyên girêdan û bi rêyên hiqûqî bêne çareserkirin.”
* Platforma Yekîtiya Jinên Kurd a Bakur dê bi dirûşma “Bi pêşengtî û yekîtiya jinên Kurd ber bi avakirina yekîtiya neteweyî ve” li Odeya Bazirganî û Pîşesaziyê ya Amedê (DTSO) konferansekê li dar bixe. (10:00)
* Serokwekîla Koma DEM Partiyê Gulistan Kiliç Koçyîgît dê têkildarî geşedanên di rojevê de li Meclîsê daxuyanî bide. (11:00)
* TUHAY-DERa Îzmîrê dê li avahiyê komeleya xwe ji bo girtiyên jin qert û name amade bike û bişîne (11:00-13:00)
* TJA, dê di çarçoveya xebatên 8ê Adarê de li navçeya Bazîd a Agiriyê bi tevlibûna aktîvîsta TJAyê Gulten Kişanakê mitîngekê li dar bixe. (12:00)
* Rapora bi sernavê “Derfet û Sînordariyên Gihandina Zarokên Pirziman” ku mamosteyên zimanê Kurdî Ronayî Onen û Cemîl Gunel amade kirine dê li Çand Amedê ji raya giştî re bê parvekirin. (13.30)
* Komîsyona Jinan a Şaxa OHDê ya Stenbolê dê têkildarî qetilkirina jinan li avahiyê komeleya xwe ya li Beyogluyê daxuyanî bidin. (15:00)
* Hêzên Ked û Demokrasiyê yên Îzmîrê, li pêşiya Navenda Çandê ya Turkan Saylanê dê têkildarî şerê di navbera DYA-Îsraîl û Îranê de didome, daxuyanî bidin. (18:30)
