Şandeya Hêzên Ewlekariya Hundirîn (Asayîş) bi şandeya hikûmeta demkî ya Şamê re ji bo rewşa deriyê Sêmalka civiyan.
Fermandarê Asayîşê Mehmûd Xelîl Elî li ser hesabê xwe yê Xê nivîsek parve kir. Mehmûd Xelîl Elî diyar kir ku wan civînek li Deriyê Sînorî yê Sêmalka yê gundewarê Parêzgeha Hesekê tevî fermandarê Ewlekariya Hundirîn Merwan El Elî bi şandeya hikûmeta demkî ya Şamê bi serokatiya gerînendeyê deriyên bejahî û deryayî re li dar xist.
Mehmûd Xelîl Elî da zanîn ku di civînê de rêbazên destpêkirina vê deriyê sînorî û xêzkirina nexşerêyek yekgirtî ji bo aktîvkirina mekanîzmayên îdarî û lojîstîkî yên pêwîst ji bo destpêkirina karê fermî li wir, hatin nîqaşkirin, da ku tevgerên çûn-hatinê û danûstandina bazirganiyê li gorî sîstemên pejirandî werin mîsogerkirin.
Ev civîn di çarçoveya bicihanîna bendên peymana 29ê Çileyê ya navbera HSDê û hikûmeta demkî ya Şamê de pêk hat.
