Hat ragihandin ku Îngilistan hewl dide bi dronên xwe yên ku dronan îmha dike di şerê Amerîka-Îsraîlê yê li dijî Îranê de piştgiriyê bide Amerîkayê.
Li gorî malpera Mepe Newsê Serokwezîrê Brîtanyayê Keir Starmer diyar kir ku ew hewl didin bi hezaran sîstemên dij-drone ji bo parastina welatên Kendava Hurmuzê bişînin Rojhilata Navîn. Li ser vê geşedanê gelek kesan diyar kirin ku ev piştgiriya pirojeya dij-dron dê Îngilistanê jî rasterast bike aliyê şer yê li heremê.
Li dijî Rûsyayê dronên Octopus mertala Ukraynayêye
Sîstemên pêşketî yên dij-drone yên “Octopus” li Îngilistanê tên çêkirin da ku Ukrayna li dijî Rûsyayê xwe ji bo biparêstinê bikar bîne. Li gorî The Telegraphê jî berpirsên leşkerî bikaranîna vê sîstemê li dijî dronên Îranê jî bên bikaranîn dinirxînin.
Her wiha ev pêngav wek hewldanekê tê dîtin ji bo bersivdana rexneyên Amerîkayê yên li ser kêmasiya piştgiriya Îngilistanê ya ji bo şerê li dijî Îranê.
Tê diyarkirin ku Ukraynî di rawestandina dronên xwekuj yên Îranê ku Rûsya li dijî Ukraynayê bikar tîne de dronên Octopus ên Îngilistanê yên herî baş in.
Drona Octopus maliyeta şer dadixe
Hêzên leşkerî yên Îngilistanê îdia dikin ku sîstemên dij-dron Octopus di xistina dronên xwekuj yên Îranê de dronên herî baş in.
Di meha Çileyê de, Wezîrê Parastinê yê Îngilistanê John Healey eşkere kiribû ku endezyarên Ukraynayê yên sîsteman dij-dron ên Octopus li pêş xistin, destûr dane ku li Îngilistanê hilberîna wan bên kirin. Tê diyarkirin ku bihayê lêçûna dronekê 3 hezar dolar e.
Hêjeyê gotinê ye ku di şerê Amerîka-Îsraîl û Îranê de dronên xwekuj yên Îranê hem ji aliyê aboriyê ve û hem jî ji aliyê encama şer ve derfeteke mezin dide Îranê. Amerîka ji bo xistina van dronan Moşekên Patrîot bikar tîne ku her moşeka Patrîot bi milyon dolaran e.
