Meşa dirêj, di çarçoveya pengava “Ji Rêber Apo re azadî ji pirsgirêka kurd re çareseriya siyasî” de îro bi meşek girseyî dest pê dike. 26 kes dê 26 rojan li 26 bajaran bimeşin. Têkildarî meşê Hevserokê KCDK-E Murat Ceylan, diyar kir ku ji bo azadiya Rêberê PKKê Abdullah Ocalan, dê li 26 bajaran 26 rojan bimeşin.
Kurd û dostên kurdan di sala 2024an de di çarçoeya pêngava “Ji Rêber Apo re azadî ji pirsgirêka kurd re çareseriya siyasî” li 25 bajaran 25 rojan meşa dirêj li dar xistibûn. Îsal jî bi heman armancê bi minasebeta 26 salên girtî yên Rêberê PKKê Abdullah Ocalan dê 26 rojan li 26 bajaran meşa dirêj li dar bixin. Rêxistin û saziyên kurdan dê îsal li Fransayê ji bo 26emîn sala dîlgirtina Rêberê PKKê Abdullah Ocalan bi 26 kesan, li 26 bajaran, 26 roj bi şîara “Ji Rêber Apo re azadî, ji pirsgirêka kurd re çareserî” ji 21ê çile heta 15 Sibatê meşa dirêj li dar dixin. Dê di vê meşê de bi gelan re bigihijin hev û qala armanca meşê bikin. Bi vê çalakiyê dê bi dostên xwe re hemleyê bigihînin asteke bilindtir. Dê bi vê çalakiyê pergala Îmralî ya îşkence û qirkirinê teşhîr bikin û paradîgmaya Abdullah Ocalan a ekolojîk û civaka azadîxwaz a jinê di serî de Kurdistan û gelên Rojhilata Navîn ji bo hemû gelên bindest ên cîhanê hêvîya “JIYANA AZAD” vebêjin dostên xwe. Dê bi ziyareta malan, saziyan û civînan bi gelan re werin ba hev. Meşa me dê 15ê Sibatê li Strasbûrgê bi meş û mîtîngek mezin bigihije asta herî bilind.
Têkildarî armanca meşê û plansaziya meşê Hevserokê KCDK-Eyê Murat Ceylan nirxandin kir û wiha got: “Di 26emîn salvegera komploya navdewletî de, ji bo 26 salên dîlgirtina Rêber Apo, dê 26 kes, 26 roj û li 26 bajaran meşê pêk bînin. Ev peş di pêşengiya Komîteya Pêngava “Ji Rêber Apo re azadî ji pirsgirêka kurd re çareserî” tê lidarxistin. Di nava vê komîteyê de TJK-F, DCK-F, Tevgera Ciwanan ên Kurd û gelek saziyên dostên kurdan ên li Fransayê beşdar dibin. Di nava wan de sendîka jî hene. Hiqûqnas hene. Partiyên siyasî hene. Gelek saziyên baweriyê hene. Di 10ê Cotmeha 2023an de li nêzî 100 welatî dest pê kir. Wê demê ji ber temenê Rêber Apo 74 salî bû, li 74 welatan pêngavê dest pê kir.”
Li 26 bajaran meş
Mûrat Ceylan anî ziman ku Abdullah Ocalan 26 sal in dîl hatiye girtin û wiha axivî: “Meş dê di 21ê çile (îro) li herêma Protanya ya bajarê Lorîentê yê Fransayê pêk bê. Meşvan dê ji Brotanyayê bên navenda Parîsê ya Fransayê. Ji Parîsê dê derbasî bajarên bakurê Fransayê bibin. Ji wir jî dê derbasî Starsbourgê bi meşek girseyî yê tevahiya welatên Ewropa bi dawî bibe.”
Fransa navenda Ewropa ye
Murat Ceylan bal kişand ser pirsa “Çima Fransa” û wiha got: “Fransa li Ewropa cihekî navendî ye. Mejî û pêşengiya welatên Ewropa dike. Bi pranî saziyên Ewropa yên wekî Konseya Ewropa DMME, Yekîtiya Ewropa û CPT li vir in. Fransa li ser welatên Rojhilata Navîn û Efrîqayê xwedî bandorek e. Eger Fransa di polîtikayên xwe de guhertinê bike dê bandorê li ser welatên ewropa jî bike û dê ji bo azadiya Rêber Apo û statuya Kurdistanê re gelek fêda wê çêbibe. Konseya Ewropa (KE) li Strasbûrgê ye û Tirkiye jî endamê KEyê ye. DMME û CPT jî bi KEyê re kar dike. Dema komplo pêk hat, CPT rêber Apo pêşwazî kiribû. Em her dem dibêjien Tirkiye wekî gardiyanekî ye. Ji ber vê yekê rola Fransa girîng e. Hêzên ku di komployê de cih girtin, divê polîtîkayên xwe biguherin. Yek ji muxatabê me jî strasbourg e. Rola Strasbourgê ya li ser tecrîdê girîng e. Di 2024an de li Konseya Ewropayê civînek pêk hat. Di wê civînê de rewşa Rêber Apo û mafê wî yê hevîyê hat axaftin. Salek wext dabûn Tirkiyeyê. Îsal asta duyemîn a pêngavê ye. Ji ber vê yekê Strasbourg pir girîng . Em ê bêjin ne salek din, niha ji Rêber Apo re azadî.”
Li ser cudahiya îsal jî rawestiya û wiha got: “Sala par pêngava azadiyê dest pê kir. Armanca wê tecrîda li ser Rêber Apo bê teşîrkirin. Hat armanckirin hêzên komploger bên teşîrkirin. Li dijî komployê hêzek navneteweyî bê avakirin. Di salekê de bi hezaran hiqûqnas ketin nava hewldanê. 69 kesên xelata Nobelê girtibûn ji bo Azadiya Rêber Apo hatin cem hev û name ji KEyê re şandin. Gelek civîn pêk hatin.”
Dê 26 rojan fikrên Abdullah Ocalan parve bikin
Hevserokê KCDK-Eyê bal kişand ser girîngiya meşa îsal û wiha berdewam kir: “Cudahiya îsal jî em dixwazin bi azadiyê em encam bikin. Em dibêjin dem dema em pêngavê bi serkeftî bi encam bikin. Em ê di 26 rojan de bi hêza hemû saziyên civakî û rêxistinên demokratîk em ê bi saziyên bawerîyan re, bi komele û sendîkayan re, bi partiyên siyasî re emê bên cem hev û fikrên Rêber Apo parve bikin. Ev pêngava azadiyê ku bi hêzên enternasyonalîst hatiye avakirin em dixwazin bi serkeftinê û azadiyê bi encam bikin. Em armanc dikin ku Rêber Apo azad bikin û Kurd û Kurdistanê bikin xwedî statu. Îsal ji bo me sala encam û serkeftinê ye. Em ê encamê piştre bi raya giştî re parve bikin.”
Murat Ceylan da zanîn ku îro starta vê meşê bidin û wiha bi dawî kir: “Em ê di meşê de azadiya Rêber Apo û statuya Kurdistanê niqaş bikin. Îro êrîşên li dijî destkeftiyên kurdan hene. Em ê van mijaran bi gelên xwe re parve bikin û niqaş bikin. Em ê ji îro heta 15ê Sibatê naveroka komployê niqaş bikin. Em ê rewşa kurdan a li çar welatên dagirker niqaş bikin. Em ê armanca fikrên Rêber Apo bi gelan re parve bikin. Em ê di hemû hevdîtnên xwe de ji bo kurd û dostên kurdan banga tevlêbûna 15ê Sibatê bikin. Emê xeta Rêber Apo ya demokratîk, ekolojîk û azadiya jinê bi gelan re parve bikin. Em ê di 15ê Sibatê de bibêjin niha ne sibê ji Rêber Apo re azadî, ji Kurdistanê re çareserî. Em ê fikrên Rêber Apo û çareseriyê niqaş bikin. Em ê vê yekê bi gelên xwe, dostên xwe û civaka Ewropa re parve bikin. Wekî meşa par a Kolnê îsal jî armanca me pir zêde ye. Em ê bi sed hezaran re li Strasbûrgê bicivin û bibêjin ‘Ji Rêber Apo re azadî, ji Kurdistanê re çareserî’.”
