Li Stenbolê ji bo Rojîn Kabaîş û Gulistan Doku meş û daxuyanî hat dayîn û daxwaza edaletê kirin.
Li Stenbolê Komîsyonên Ji bo Rojîn Kabaîş û Gulistan Doku Edalet bi dirûşmeya “Ji Gulistan Doku heta Rojîn Kabaîş edaleta rastî em ê peyda bikin” li pêşiya Opereya Sureyya heta Qada Khalkedon meşiya. Di meşê de dirûşmeyên “Jin Jiyan Azadî” û “Kuştinan jinan polîtîk in” hate berzkirin. Piştî meşê li Qada Khalkedonê daxuyanî hate dayîn. Daxuyanî ji aliyê endama Komîsyona Ji bo Gulistan Doku Edalet Şeyma Çoban ve hate xwendin.
‘Tiştên ku îro diqewimin bi saya têkoşîna jinan pêk hat’
Şeyma Çoban diyar kir ku jin herdem li qadan in û wiha axivî: “Em li dijî pergala ku kujeran diparêze li qadan in û dengê xwe bilind dikin. Tiştên ku îro di doza Gulistan Doku de diqewimin bi saya têkoşîna jinan pêk hat. Daxwazên me yên ku bila Zainal Abarakov û zirbav Engîn Yucer were darizandin nehat dîtin. Waliyê demê Tuncay Sonel jî delîlan reş kir û ji malbata Doku re got ‘keça wa xwe kuştiye.’ Tuncay Sonel bi van gotinan xwest dozê reş bike. Tevahî lêgerîn û daxwazên malbatê vale hate derxistin. Tayyîp Erdogan ji bo malbata Doku ji rêxistinan dûr bixe daxuyanî da. Wezîrê Dadê yê wê demê Bekîr Bozdag ji malbatê re hevdîtin pêk neanî. Pêşniyaznameyê pêşkeşî meclisê hate kirin ji aliyê AKP û MHPê ve hate redkirin.”
Şeyma Çoban di dawiyê de daxwaze saziyên jinan wiha anî ziman:
“*Aqûbeta Gulîstan Doku divê were aşkere kirin û cenazeya wê teslimî malbatê bikin
*Lêpirsînek baş were meşandin û tevahî berpirsiyar werin darizandin.
*Kesên ku bi kontrola edlî hatine berdan dîsa werin girtin.
*DNAyên ku bedena Rojîn Kabaîş hatine dîtin ya kê ne divê were aşkerekirin.
*Telefona Rojîn Kabaîş demildest were vekirin.
*Kesên ku gefê li malbata Kabaîş dixwin werin dîtin.”
Çalakî bi dirûşmeya “Jin Jiyan Azadî” bi dawî bû.
