Fûat Taşkin ê ku li Enqereyê bi sedema “cezayê wî hatiye erêkirin” hatibû girtin, duh êvarê ji girtîgehê tehliye bû.
Ciwanê bi navê Fûat Taşkin ku di 9ê Çileya 2025an de li Enqereyê hatibû binçavkirin û dû re jî bi sedema cezayê wî heye hatibû girtin, duh êvarê ji Girtîgeha Sîncana Enqereyê hat berdan. Hat zanîn ku Dadgeha Bilind derbarê Fûat Taşkin de biryar daye û gotiye ku Fûat Taşkin ji xwe bi heman dosyayê 8 sal û 8 mehan di girtîgehê de maye û divê bê tehliyekirin. Piştî biryara Dadgeha Bilind, 1emîn Dadgeha Cezayên Giran a Colemêrgê biryara tehliyeyê daye.
Çi bûbû?
Fûat Taşkin, di 8ê Mijdara 2017an de bi îdiaya “amûrên talûke li cem xwe hiştin e û endamtiya rêxistinê” li Colemêrgê hatibû girtin û 8 sal û 8 meh cezayê hepsê lê hatibû birîn. Taşkin ê ku li Girtîgeha Tîpa L ya Espiye ya Gîresînê dihat ragirtin, 18ê Cotmeha 2024an di rûniştina li 1emîn Dadgeha Cezayên Giran a Colemêrgê hat lidarxistin, ji ber sedema “zêde di girtîgehê de maye” hatibû berdan. 83 roj piştî tehliyeyê di 9ê Çileya 2025an de Taşkin, li Enqereyê ji aliyê polîsan ve bi hinceta “Divê tu îfadeyê bidî” hatibû binçavkirin. Taşkin ê ji bo îfadeyê çû dadgehê bi hinceta “cezayê wî hatiye erêkirin” hatibû girtin û ew birin Girtîgeha Ewlehiya Bilind a Tîpa F ya Hejmara 2 ya Sîncanê. Gardiyanên girtîgehê zext li Taşkin kiribûn ku biçe qawişa bêaliyan. Taşkin ê ku ev yek red kir û xwest biçe nav girtiyên siyasî, kiribûn hucreya yek kesî û zextên li ser wî zêde kiribûn.
