Balafirên şer ên Tirkiyeyê, li ser herêma Şarbajar bombe barandin. Nehat zanîn ku di êrîşê de kesên jiyana xwe ji dest dane û birîndar bûne hene yan na.
Balafirên şer ên Dewleta Tirk li navçeya Şarbajar a Silêmaniyeyê bombe li herêmên Kêwî Kurîs, Dola Kuwêrekan û Dola Jajolanî barand. Nehat zanîn ku di encama êrîşê de kesên jiyana xwe ji dest dane hene yan na.
Hêjayî bibîrxistinê ye par di encama êrişên Dewleta Tirk de 33 welatiyên Başûrê Kurdistanê jiyana xwe ji dest dabûn û 19 jî birîndar bibûn. Nêzî 68 hezar donim erazî, bax û daristan jî şewitîbûn. Ji serê salê ve jî di encama bombebaran û topbaranên Artêşa Tirk de 6 welatî û 2 pasevanên sinor yên Iraqê jiyana xwe ji dest dane û 3 kes jî birîndar bûne.
