Komeleya Ziman û Çandê ya Birca Belek Roja Zimanê Dayikê ya Cihanê, bi şahiyeke pîroz kir.
Komeleya Ziman û Çandê ya Birca Belek, Platforma Şaxan a KESKê bi boneya, Roja Zimanê Dayikê ya Cihanê li eywana konferansê ya Şeredariya Cizîrê şahiyek li dar xist.
Di şahiyê de hevserokê berê yê Komeleya Ziman û Çandê ya Birca Belek Cahît Akil anî ziman ku ji aliyê dewletê vê hê jî perwerdehiya bi kurdî qedexe ye û wiha got: “Divê hemû kes li dijî polîtikayên pişaftinê li zimanê xwe xwedî derbikevin.”
Piştî axaftinê belgefîlma “Her malek dibîstanek” hat temaşekirin. Di belgefîlmê de qala girîngiya ferkirina zimanê kurdî ya ji bo zarokan hat kirin. Disa qala girtina Dibîstana Ferzad Kemanger kir. Piştî temaşekirina belgefîlmê helbest hatin xwendin. Piştî xwendina helbestê Mehmet Başkurt lîstikeke standapê pêşkeş kir.
Herî dawî jî Koma Awazên Botan derketin dikê û stran gotin. Bername bi stranan bi dawî bû.
