Şandeya DEM Partiya ya Îmraliyê di daxuyaniya ku wê li Stenbolê bide de dê banga dîrokî ya Rêberê PKKê Abdullah Ocalan parve bike. Daxuyanî li Amed û Wanê li ekrana mezin were parve kirin.
Şandeya Îmraliyê ya Partiya Wekhevî û Demokrasiyê ya Gelan (DEM Partî) dê di 17ê sibatê de li Girtîgeha Îmraliyê bi Rêberê PKKê Abdullah Ocalan re hevdîtina xwe ya sêyem pêk bîne. Heyet dê piştî hevdîtinê di saet 17:00’an de li Stenbolê daxuyanî bide.
Tê payîn ku şande di daxuyaniyê de banga Abdullah Ocalan ragihîne.
Ji bo daxuyaniya dîrokî wê li Amed û Wanê ekranên mezin werin danîn û daxuyanî bi zindî were dayîn. Dê li Amedê li Qada Şêx Seîd di ekrana mezin de daxuyanî zindî bê dayîn. Tê payin ku wê ji bajarên derdorê gelek kes werin Amedê.
Li Wanê jî dê ekrana mezin li Qada Bajêr bê dayîn. Tê payin bi hezaran kes ji bajarên Serhedê bên Wanê.
DEM Partî, DBP û TJAyê bang li gel kir ku sibê saet 16:00’an de li qadên li Amed û Wanê bibin.
