* Parêzer û endama OHDê û MAF-DADê Rengîn Ergul diyar kir ku Tirkiye mafê azadî û hêviyê yê Rêberê PKKê Abdullah Ocalan binpê dike û xwest Tirkiye demildest qanûnên xwe rast bike û mafê azadiya fizîkî ya Abdullah Ocalan pêk bîne.
* Rojnameger Ciwana Cuma ku geşedanên li Bendava Tişrînê dişopînê anî ziman ku tevî êrişan jî hemû pêkhateyên Bakur û Rojhilatê Suriyeyê ji 7 salî heta 70 salî berê xwe didin Bendava Tişrînê û got: “Ev sekn û berxwedan dê rûpelên nû di dîrokê de vebike.”
* Nivîskar Yaşar Eroglû diyar kir ku pirtûka wî ya “Berbang 1” ku nû derçûye, analîzek civakî ya jiyan û serpêhatiya Kurdan e.
* Ji ber krîza aborî mîna berê li Amedê ew atmosfer û kelecana amadekariya meha Remezanê nîn e. Dikandarên li Amedê diyar kirin ku ji ber krîza aborî êdî di berîka gel de pere nemaye û hemû aborî li ser şer tê xerckirin.
* Şandeya Îmraliyê ku Hevserokên Giştî yên DEM Partiyê Tuncer Bakirhan û Tulay Hatimogûllari û siyasetmedar Ahmet Turk jî di nav de cih digirin dê biçin Girava Îmraliyê û bi Rêberê PKKê Abdullah Ocalan re hevdîtinê pêk bînin. (10.00)
* Şandeya Îmraliyê piştî ji cem Rêberê PKKê Abdullah Ocalan vegere, dê li Stenbolê daxuyanî bide. Dê ev daxuyanî di heman demê de li Qada Şêx Seîd a Amedê û li Kent Meydaniya Wanê di ekranên mezin de bê temaşekirin. (16.00)
