Komîsyona Jinan a DÎSKê di çarçoveya xebatên 8ê Adarê de dê di 7ê adarê de grevê pêk bînin. Jinan bang kirin ku li qadan daxwazên xwe bînin ziman.
Komîsyona Jinan a Konfederasyona Sendîkayên Karkerên Şoreşger a Tirkiyeyê (DÎSK) di çarçoveya xebatên 8ê Adarê de dê di 7ê adarê de têkevin grevê. Jinan bi armanca banga ji bo grevê li MetroHan bi tevlibûna nivîskar, hunermend, akademîsyen û rojnamegeran daxuyaniyek dan çapemeniyê. Li salonê pankara ‘Ji bo jiyan bê rawestandin jin diçin grevê’ daliqandin. Seroka Giştî ya DÎSKê Arzu Çerkezoglu, Duyemîn Seroka Konseya Navenda YekitiyaTabîbên Tirk(TTB) Dr. Pinar Saîp, lîstikan Meltem Cumbul û gelek jin tevli daxuyaniyê bûn. Arzu Çerkezoglu anî ziman ku keda jinê li tu derê nayê dîtin û barê giran li ser milê jinan e û got: “Li kargeriyan, malan, kolanan û qadan divê em bên gel hev û li dijî mexdurbûnê bibin yek. Em 7ê adarê de li qadan bên gel hev û bi hev re dengê xwe bilkind bikin. Ji bo dest polîtîkayên ku keda jinê binpê dike em derkevin grevê.”
