* Di Newroza 2015an a Amedê de Rêberê Gelê Kurd Abdullah Ocalan peyamek dîrokî şandibû. Abdullah Ocalan di peyama Newrozê de diyar kiribû ku ew lidarxistina kongreyekê, pêwîst û dîrokî dibîne û gotibû: “Ez hêvî dikim ku di demeke herî kin de, em xwe bigihînin mutebaqata rêgezî. Bi vê kongreya me, êdî serdemeke nû dest pê dike.”
* Welatiyên ku li Amedê tevli civîna gel bûn banga Rêberê Gelê Kurd Abdullah Ocalan nirxandin û xwestin ku pêvajo bi awayekî eşkere bê birêvebirin û gotin: “Bîr û baweriya me bi vê banga Serok heye.”
* Hevjîna girtiyê nexweş Onder Poyraz, Fîrdevs Poyraz û birayê girtiyê nexeş Mehmet Darga Hecî Darga anîn ziman ku ji bo pêvajo biçe serî divê dewlet di serî de girtiyên nexweş berde.
* Halîme Yaşar a ku hevjînê wê Îkbal Yaşar di protestoyên qedexekirina Newroza 2008an de li Geverê hat kuştin, diyar kir ku Îkbal di rojbûna kurê xwe de hatiye kuştin û got: “Gava ez diçim Newrozê gelekî hestiyar dibim, lê tevî vê yekê jî dîsa tev li dibim.”
* Dayika Aştiyê Sakîne Arat ku duh jiyana xwe ji dest dabû dê cenazeyê wê li Goristana Yenîkoyê ya Amedê bê veşartin. (10.00)
* Cejna Newroz dê li navçeya Depê ya Xarpêtê û navçeya Hîlwan a Rihayê bi girseyî bê pîrozkirin. (10.00-16.00)
