Çewlîg – Welatiyên ku tev li Newroza Çewligê bûn diyar kirin ku ji bo pêwajo pêş bikevê pêwist e dewlet gav biavêjê û gotin: “Gelê Kurd gav avêt niha dora dewletê ye. Divê Rêberê Gelê Kurd azad bibe.”
Piştî banga Rêberê Gelê Kurd Abdullah Ocalan a bi sernavê “Aştî û Civaka Demokratîk” Newroza îsal gelek bi coş didome. Newroza îsal bi dirûşma “Rêbertiya Azad Civaka Demokratîk” pêk tê. Her roj bi dehan bajar û navçe bi girseyî Newrozê pîroz dikin. Gele ku tev li Newrozê dibin daxwaza wan yek e. Gel li qadên Newrozê diqîrin û dibêjin “Divê Rêberê Gelê Kurd Abdullah Ocalan azad bibe.” Welatiyen ku tev li Newroza Çewligê bûn têkildarî banga Rêberê Gêlê Kurd Abdullah Ocalan ji Ajansa Welat (AW) re axivîn.
‘Bila Abdullah Ocalan û girtiyên siyasî bên berdan’
Welatî Ahmet Şahin bal kişand ser girintiya Newrozê û got: “Newroz ji bo gelê Kurd dîrokî ye. Her sal şert û merc çi dibe bila bibe, dîsa jî Newroz tê pîrozkirin. Mazlûm Dogan di zindana Amedê de bi 3 darên çixat (kibrit) Newrozê bi bedena xwe pîrozkir. Ji bo wan em xwedî li dîrokê derdikevin. Ji avakirina Komara Tirkiyeyê heta îro gelê Kurd her tim di nav zilm de ye. Îro pêwajoyek heye ê dewlet gav navêje û bawerî nadê gel. Îro em dibîn li Kurdîstanê di her malê de an girtî an jî Şehîd hene. Ji bo bawerî bidê gel divê Rêberê Gelê Kurd Abdullah Ocalan û girtiyên siyasî tevahî bên berdan. Ew 50 sal in em di nava têkoşînê de ne. Em hatin kuştin, girtin, gûnden me hatin şevitandin û em koçber bûn. Pêwîst e dewlet ew tiştên ku aniyê serê gelê Kurd berpirsiyara xwe bide.”
‘Em e heta dawî xwedî banga Abdullah Ocalan derkevin’
Welatî Selîm Yildirim dazanîn ku Newroz ji bo Kurda berxwedan û serhildan e û got: “Newroz jîyaneke nû ye. Ji Kawayê Hesinkar heta Kawayê hemdem gelê Kurd li berxe daye. Ji bo wê em dixwazin Newroza îsal bibe azadiya Serokatî û tevahiya girtiyan. Paradigma gelê Kurd gihaştiya asteke nû. Hewceye tevahiya gelê Kurd xwedî li vê pradîgma û banga Rêberê Gelê Kurd Abdullah Ocalan derkevin. Pêwîst e em gelê Kurd bikevîn nava tevgerê û barê li ser milê birêz Abdullah Ocalan sivik bikin. Di vê pêvajoyê de berpirsiyariya me ev e. Em ê heta dawiyê xwedî banga birêz Abdullah Ocalan derkevin. Gelê Kurd bedelên giran daye heta îro. Em gelê Kurd her tiştê xwe yêk in. PKK xwedî banga Rêberê Gelê Kurd derket û agirbest îlan kir. Lê hej jî êrişên dewletê berdewam dike. Dewlet di serî de pêwîst e şert û mercen birêz Abdullah Ocalan bi guherîne ku ev pêvajo pêş bikeve. Divê girtîgeh vala bibe. Dewlet aliyêk pêvajo dide meşendin. Lê aliyek din dixwaze gelê Kurd tasviye bike ev tişt wisa nabe. Gav avêtin dora dewletê ye. Dive dewlet gav biavêje.”
‘Newroz li dijî zilmê berxwedane’
Welatî Şevket Sayak jî diyar kir ku çi bibe bila bibe dê li pişt Rêberê Gelê Kurd Abdullah Ocalan bin û got: “Rêberê Gelê Kurd Abdullah Ocalan beng kir. Ew ji bo me gelek giring e. Newroz li dijî zilmê berxwedan e. Em dixwazin Newroza îsal bibe Newroza azadiyê û wekheviyê. Ji bo azadî pêk bê jî pêwîst e ku dewlet gav biavêje. Zimanê Kurdî bibe zimanê fermî, girtiyên siyasî bên berdan. Divê pêşiya siyasetê vekin. Gelê Kurd jî pêwîst e li Rêberê Gelê xwe xwedî derkeve. Divê her kes li pişt banga wî bisekine.”
