Bi hezaran welatî li Qada Gundogdu ya Îzmirê kom bûn û li dora agirê Newrozê dest bi govendê kirin. Bi deh hezaran welatiyên beşdarî Newrozê bûn dirûşmeyên “Bijî Serok Apo” berz dikin.
Rexistin û saziyên demokratîk û partiyên siyasî ku ji DBP, DEM Partiyê TJAyê pêk tên, bi dirûşma, “Rêbertiya Azad Civaka Demokratîk” li Qada Gundogdu ya Îzmirê Newroz pîroz kir. Bi deh hezaran welatî li qadê kom bûn û li dora agirê Newrozê govend gerandin. Pîrozbahî bi pêxistina agir û rêzgirtinê dest pê kir. Di pîrozbahiyê de Aktîvîsta TJAyê Eylem Sarica axivî û bal kişand ser azadiya fizîkî ya Rêberê Gelê Kurd Abdullah Ocalan.
Hevberdevka HDKê Meral Daniş Beştaş jî axivî û operasyonên li Stenbolê şermezar kir. Piştî axaftinan Dayikên Aştiyê ketin nava girseyê bi hevre li dora agirê Newrozê govend gerandin. Di pîrozbahiyê de piştî rêzgirtinê diruşmên “Bijî Serok Apo” û “Jin Jiyan Azadî” berz kirin. Pîrozbahiya Newrozê bi coş berdewam dike.
