Meclisa ciwanan a DEM Partiyê di roja 3emîn a Meşa Amarayê de li Navçeya Pirsûsê ya Rihayê gora Mustafa Dag ziyaret kir. Meşvan dê piştre bimeşin navçeya Xalfetiyî ya Rihayê û beşdarî mihrîcanê bibin.
Meclisa Ciwanan a DEM Partiyê bi minasebeta 4ê Nîsanê roja Rojbûna Rêberê Gelê Kurd Abdullah Ocalan bi şiyara “Bi civaka demokratîk em ber bi azadiyê ve dimeşin” dimeşin Amarayê. Meşa ciwanan di roja 3yemîn de li Pirsûsê berdewam dike. Ciwan beriya bimeşin navçeya Xalfetiyê gora Mustafa Dag ê di Meşa “Rêwîtiya Rojê” ya 4ê Nîsana 2009an de bi guleya leşkeran jiyana xwe ji dest dabû, ziyaret kir. Ciwan çûn goristana Gundê Karûkê û Mustafa Dag li ser gora wî bibîr anîn. Li ser navê Meclisa Ciwanan a DEM Partiyê Endama Koordînasyona Jinan a DEM Partiyê Elif Çoban, anî ziman ku ew şopdarên têkoşîna Mustafa Dag in û dê têkoşîna wî berdewam bikin. Bavê Mustafa Dag Salih Dag anî ziman ku kurê wî karkerê înşatê bû, lê wê rojê neçû kar û tev li meşê bû. Bav Salîh Dag anî ziman ku wî xwest Mistefa asteng bike. lê Mistefa bi gotina ‘Ez ji Hemû kurdan ne çêtir im’ bertek nîşan da û tev li meşê bû. Ciwanan di bernameya bîranînê de dirûşmeya “Şehîd namirin” berz kirin. Ciwan piştre derbasî Rêxistina DEM Partiyê ya navçeya Pirsûsê bûn û ji bo ji Rêberê Gelê Kurd Abdullah Ocalan re bişînin name şandin.
Ciwan dê ji Pirsûsê jî derbasî navçeya Xalfetiyê bibin û tev li Mihrîcanê bibin.
