Gelên li bajarên Bakurê Kurdistanê û Tirkiyeyê ji bo 4ê Nîsanê roja Rojbûna Rêberê Gelê Kurd Abdullah Ocalan berê xwe danê navçeya Xelfetiyê meşa xwe berdewam dike. Girseya ku di ketina Navçeya Xalfetiyê de tê astengkirin, bi têkoşîna xwe astengiyan derbas dike û li ber xwe dide.
Bi minasebeta 4ê Nîsanê roja Rojbûna Rêberê Gelê Kurd Abdullah Ocalan gel ji çar aliyan ve berê xwe daye Rihayê û dimeşin Amarayê. Meşa Amara ji çar aliyan ve ber bi Rihayê ve didome. Girseya ku li ketina Navçeya Xalfetiyê kom bûn dem bi dem rastî astengiyên leşkeran tên. Girsê bi stran û berzkirina dirûşmeyan bertek nîşanî astengiyan didin û barîsatên polîs û leşkeran derbas dikin.
Bi boneya 4ê Nîsanê li navçeya Xelfetiyê ya Rihayê mîhrîcan tê li darxistin. Gelê ku ji bo mîhrîcanê berê xwe dane navçeya Xelfetiyê di teketina navçeyê de li hin nokteyan rastî astengiya leşkeran tên.
Girseyê li dijî astengiyan govend digerînin û stranan dibêjin. Girseya kom bûye, bi berzkirina dirûşmeyên, “Bijî Serok Apo” , “Rojbûna te pîroz be ey Serok Apo”, “Bijî berxwedana Amara” û “Berxwedan jiyanê”bertekên xwe tînin ziman. Girsê ji bo cangoriyên azadiyê deqîqeyeke rêz girtin û srûd “Îro Çerxa Şoreşê” xwendin. Berxwedan û têkoşîna girseyê ya li dijî benda leşkeran didome. Gelek kes piştî berxwedanê bendan derbas dike û xwe digînin Xalfetiyê. Têkoşîna gel a li dijî astengiyan didome.
Tevî hemû astengiyan ji niha de bi hezaran kes li Parka 4ê Nîsanê kom bûne.
