Hevşaredara Sûrê Fatma Gulan Onkol û şandeya pêr re serdana gundên bi ser navçeyê ve kirin û li daxwazên gundiyan guhdar kir.
Hevşaredara Sûrê Fatma Gulan Onkol, parlamentera DEM Partiyê ya Amedê Ceylan Akça, tevî endamên meclisa şaredariyê û rêxistina DEM Partiyê ya Navçeya Sûrê çûn serdana gundên Karabaş û Golpinar yên bi ser navçeyê ve û bi şîniyên gund re hevdîtin kirin.
Ev hevdîtin di çarçoveya hevdîtinên şaredariyê yên bi gel re pêk hat. Gundiyan şandeyê pêşwazî kir.
Şandeyê li daxwazên xelkê gundan guhdarî kir û gotin ku ew dê bi hev re bikaribin kêmasiyên heyî çareser bikin.
Hevşaredar Gulan Onkol behsa zehmetiyên şaredariyê û îmkanên wê yên bisînor kir û got: “Tevî hemû derfetên me yê bisînor jî em ê bi gelê xwe re bikaribin kêmasiyên heyî çareser bikin.”
Parlamenter Ceylan Akça jî behsa wekheviya di warê xizmetê de kir û got kesek nikare bi xizmetên ku tê kirin mineta xwe bike û dê li gorî derfetên heyî xizmetên şaredariyan bê cudahî werin kirin.
