Odeya Şêwirmendên Darayî ya Amedê dest bi amadekariyê kongreyê kiriye. Grûba Şêwirmendên Darayî ya bi navê Amed, namzetên hevserokatiya odeyê bi şahiyekî da nasîn.
Odeya Şêwirmendên Darayî ya Amedê kongreya xwe li dar dixe. Kongre dê 11-12ê Gulanê li Amedê bê lidarxistin. Beriya kongreyê çend grûb dikevin pêşbaziya hilbijartinê. Grûba Şêwirmendên Darayî ya bi navê Amed, Grûba bi navê Çagdaş Demokrat û Grûba Degîşîm dê di hilbijartinê bikevin pêşbaziyê.
Grûba Şêwirmendên Darayî ya bi navê Amed li qonaxek dîrokî ya Sûra Amedê şeva danasîna nazmetên hevserokatiya odeyê li dar xist. Di bernameya danasînê de Namzetên Hevserokatiya Grûba Amed Vedat Demîrtaş û Amîne Demîr Çoban û gelek şêwirmendên darayî amade bûn. Beriya axaftinan li sînevzîyona ku qala xebatên odeyê dike hat nîşandan.
Ewilî Sekreterê Odeyê yê niha û endamê Grûba Amed Abdulkadîr Olgûn axivî û behsa xebatên ku li pey xwe hiştin e kir û bal kişand ser kar û barên şêwirmendên darayî û zehmetiyên ku pê re rû bi rû dimînin.
Paşê jî namzetên Hevserokatiya Grûba Amed Vedat Demîrtaş û Amîne Demîr Çoban axivîn û xwe dan nasîn û bal kişandin ser karûbarên pîşeyî û xebatên dê siberojê bikin. Vedat Demîrtaş û Amîne Demîr anîn ziman ku ew ê bibin grûbek herî demokratîk, azadîxwaz û wekhevxwaz û dê bi edaletî tevbigerin û xwestin endamên odeyê piştgiriya xwe bidin wan.
Piştî axaftinan li ber muzîkê govend hat gerandin.
