Nûrettîn Çelebî ku piştî 31 salan ji hepsê hate berdan, li bajarê xwe Êlihê bi coşeke mezin hate pêşwazîkirin.
Nûrettîn Çelebî ku li Girtîgeha Tîpa S a Doşemealti ya Antalyayê dihat ragirtin û piştî 31 salan di 26ê Nîsanê de hatibû tehliyekirin, vegeriya bajarê xwe Êlihê. Çelebî, li Êlihê bi coşeke mezin hat pêşwazîkirin. Rêveberên TUAY-DER û xizmên Çelebî jî di nav de bi sedan kes tev li pêşwazîkirinê bûn. Çelebî li ketina bajêr bi çepik û tililiyan hate pêşwazîkirin. Çelebî, kesên ew pêşwazî kirin hembêz kir û bi hev re govend gerandin. Piştre jî Çelebî û kesên pê re bi konvoyeke wesayîtan derbasî Taxa Emeklî Tokiyê bûn.
Çelebî diyar kir ku “Banga Aştî û Civaka Demokratîk” a Rêberê Gelê Kurd Abdullah Ocalan ji bo gelê Kurd girîng e û banga xwedîderketina peyamê li her kesî kir.
