Berdevka DEM Partiyê Ayşegul Dogan bersiv da gotinên Wezîrê Dadê û got: “Ji kerema xwe peywîra xwe bikin.”
Berdevka DEM Partiyê Ayşegul Dogan li hesabê xwe yê Xê bersiv da daxuyaniya Wezîrê Dadê Yilmaz Tunç. Yilmaz Tunç di komcivîna Meclisê ya AKPê de bersiv da pirsên rojnamevanan û daxuyaniya Hevseroka Gişt DEM Partiyê Tulay Hatimogullari berovajî kir.
Ayşegul Dogan bi parvekirinê bersiv da Wezîrê Dadê: “Birêz Wezîr; armanca me pêkanîna aştî, edalet û demokrasiyê ye. Divê em hemû di vî warî de berpirsyara xwe bicih bînin. Hiqûq, demokrasî û edalet bi lîstikên peyvan pêk nayên. Çareseriya pirsgirêkeke dîrokî cidiyetê dixwaze. Em wezareta we vedixwînin ziman û nêzîkatiyek ku vê berpirsiyariya dîrokî hilgire ser xwe. Ji kerema xwe peywira xwe bikin!”
Tulay Hatimogûllari duh di komcivîna partiya xwe de gotibû: “Ji bo hemû şert û mercên azadiya Ocalan êdî dor a desthilatê ye.”
Yilmaz Tunç jî îro li ser daxuyaniya Tulay Hatimogûllari axivî û got: “Çawa dor a desthilatê ye, em li vir bi topê nalîzin.”
