Helbestvan û nivîskarê Kurd Fadil Ozturk ku ev demek bû nexweş bû, jiyana xwe ji dest da.
Helbesetvan û nivîskarê Kurd Fadil Ozturk ê ji bajarê Dêrsimê jiyana xwe ji dest da. Ev demek dirêj bû nexweşiya penceşêrê li Fadil Ozturk peyda bûbû. Her çiqas li dijî vê nexweşiyê têkoşiya jî lê temenê wî têr nekir û xatir ji malbat û hezkiriyên xwe xwest. Hat zanîn ku Fadil Ozturk vê sibehê jiyana xwe ji dest daye.
Kurtejiyana Fadil Ozturk
Fadil Ozturk di sala 1955an de li Dêrsimê ji dayik bûye. Ji ber doza şoreşê û azadiyê di darbeya 12ê Îlonê de tê girtin û cezayê muebedê lê tê birîn. Piştî 10 salan ji girtîgehê tê berdan. Ew hem li ser wêjeyê dixebitî hem jî nivîsên bi naveroka siyasî dinivîsand. Ew endamê Platforma Rewşenbîrê Mûnzûrê ye ku di 15ê Îlona 2005an de hat avakirin bû. Di Kanûna 2005an de 135 hunermend, rewşenbîr û saziyan ji bo ROJ TVyê dabû destpêkirin. Ew yek ji beşdarên kampanya ROJ TV ye. 5ê Çileya 2018an ji ber nivîsên xwe yên di Rojnameya Arti Gerçekê de dinivîsand, li Îzmîrê hatibû binçavkirin û paşê hatibû berdan. Di encama darizandinê de salek û 10 meh cezayê hepsê lê hatibû birîn.
