Azîme Işik a ku 26 sal in ji doza Mavî Çarşi bi awayekî girtî dihat darizandin, beraat kir. Piştî biryarê Azîme Işik ji Girtîgeha Jinan a Şakranê hat berdan.
Azîme Işik ji ber êrîşa 13ê Adara 1999an a li Kadikoya Stenbolê ya li Mavî Çarşi ya ku di encamê de 13 kesan jiyana xwe ji dest dabûn hat girtin. Di 7ê Gulana 2007an de Dadgeha Cezayê Giran a 11emîn a Stenbolê cezayê muebetê da Azîze Işik.
Di heman dosyayê de ji bo Engîn Atabey, Abdullah Gunay û Metîn Yamalak jî cezayê muebbetê yê girankirî hat dayîn. Ev biryar ji aliyê 9emîn Daîreya Cezayê ya Dadgeha Bilind ve hatin qebûlkirin.
Doz piştre sewqî Dadgeha Mafên Mirovan a Ewropayê (DMME) hat kirin. Piştî biryara DMMEyê ya ji bo ji nû ve darizandinê doz sewqî Dadgeha Destûra Bingehîn (AYM) hat kirin. Li gorî biryara Dadgeha Destûra Bingehîn dosya sewqî dadgeha herêmî hat kirin.
Di danişîna ku îro li 11emîn Dadgeha Cezayê Giran a Stenbolê hat dîtin de Azîme Işik beraat kir. Azîme Işik piştî biryara beraatê ji Girtîgeha Jinan a Şakranê ku lê girtîbû serbest hat berdan
