Asayişa Herêma Kurdistanê ragihand li sînorê bajarê Silêmanî, Çemçemal û Şarezûrê sê çeteyên DAIŞê hatin girtin.
Destgeha Asayişa Herêma Kurdistanê, îşev bi daxuyaniyekê ragihand ku di rojên di navbera 6-21ê gulanê de bi Rêveberiya Giştî ya Operasyonên Asayişê, di encama sê operasyonên cuda de, sê çeteyên DAIŞê hatin girtin.
Di daxuyaniyê de wiha hate gotin: “Operasyon piştî şopandin û komkirina agahiyan û destnîşankirina cihê terorîstan, hêzên me karîn li derdora Silêmanî, Çemçemal û Şarezûrê sê terorîstên DAIŞê hatin girtin û biryara girtinê ji bo wan hebû. Ev terorîstên ku hatine girtin, berê di êrişên terorîstî de çalak bûn.”
Her wisa hate gotin ku terorîstên hatine girtin wê di çarçoveya Madeya 4an a Yasaya Terorê de werin dadgehkirin, lêkolîn û lêpirsîna derbarê wan de didome.
