Li gorî Navenda Sûriyeyê ya Mafên Mirovan di 24 saetên borî de herî kêm 14 kes li deverên cuda yên Sûriyeyê hatine kuştin.
Li gundewarê Idlibê, şivanekî zarok dema pez diçêrand, bombe teqiya û jiyana xwe ji dest da. Li gundewarê Elbûkemalê jî zilamek û keça wî ji aliyê pismamê xwe ve hatin kuştin. Li gundewarê Şamê, zarokekî çar salî di şewitandina malê de hat kuştin. Li gundewarê Laziqiyê jî ciwanek û jinek elewî ji aliyê şivanan ve hatin kuştin. Li Deraayêjinek ji aliyê hevjînê xwe ve ji ber nakokiyeke malbatî hat kuştin. Termê xortekî li sûka sebzeyan li Humsê hat dîtin. Li Hemayê jî zilamek ji aliyê çekdarên nenas ve bi hinceta hevkariya bi rêjîma Baasê re kiriye, hat kuştin. Li Dêrezorê di şerê li bajarê Meyadîn de zarokek jiyana xwe ji dest da. Li Qamişlo jî jinek ji aliyê çekdarên ku li motorsîkletekê siwar bûn hat kuştin. Her wiha di şerê li bajarokê Suluk ê girêdayî gundewarên Reqayê de, çeteyekî Artêşa Niştimanî û 2 endamên êla El Neîm hatin kuştin.
