Aktivîst û parêzvana mafên mirovan Pariush Moslemî ya li girtîgeha Evînê tê girtin, ji bo şermezarkirina doza nû ya ku der barê wê de hatiye vekirin, dest bi greva birçîbûnê kir.
Aktivîst û parêzvana mafên mirovan Pariush Moslemî ya ku li girtîgeha Evînê tê ragirtin, daxuyand ku bi armanca protestokirina doza nû ya der barê wê de hatiye vekirin, di 8ê hezîranê de dest bi greva birçîbûnê kiriye. Li gorî rapora rêxistina mafên mirovan, Pariush Moslemî berê, bi sûcê ‘nûçeyên derew belav kiriye’ der barê wê de dozek nû hat vekirin.
Pariush Moslemî ya ku pirsgirêkên wê yên tenduristiyê hene, berê jî ji ber ku nehatibû dermankirin, ji bo protestokirinê li girtîgehê ketibû greva birçîbûnê.
Pariush Moslemî di meha nîsana 2024an de ji aliyê polîsên Îranê ve li bajarê Nur hatibû binçavkirin. Pariush Moslemî piştî sê rojên binçavkirinê hat berdan, piştî wê li Dozgeriya Girtîgeha Evînê ji ber sûcên ‘Li dijî rejîmê propegandaya’, ‘heqareta li Humeynî û Hamaney’ û ‘kombûn û lihevkirina veşartî’ hat darizandin.
Pariush Moslemî di 7ê tîrmeha 2024an de piştî ji dozgeriya Evînê bang kirin, hat girtin û sewqî qawîşa jinan a girtîgeha Evînê hat kirin.
