Navenda Kombûna Jinan a UTAMARA îsal 20emîn Mihrîcana zarokan a kevneşop li dar xist.
Navenda Kombuna Jinan a UTAMARA, ku li eyaleta Rheiland-Pflaz a Elmanyayê xebatê dike, bi dirûşam ‘Hûn nikarin xeyalên me bidizin’ 20emîn mihrîcana zarokan a kevneşop lidar xist. Di mihrîcanê de zarokên ji neteweyên cuda li hev kom bûn û kêfxweş bûn. Zarokan di mihrîcanê de kêrhatinên xwe yên çand û hunerî nîşan dan. Festîval li bajarokê Unkelê pêk hat. Nûnera UTAMARA Gulistan Kanîreş anî ziman ku çalakî di bin siya şer û tundiya li Rojhilata Navîn de pêk hat û got: “Em îro li vir festîvalê li dar dixin, lê li Rojhilata Navîn bi hezaran zaork û jin bi mirin û hilweşînê re rû bi rû ne. Weke jinên UTAMARA em dibêjin: bila ev şer bi dawî bibe, zarok û jin nemirin.”
Di çarçoveya mihrîcanê de zarokan hunera xwe ya li ser dikê, performansa muzîkê û dansê nîşan dan. Di çalakiyê de xwarina ji kîlerên Kurd û Elman pêşkêşî mêvanan kirin. Mihrîcana ku zarokên ji qewmên cuda li hev kom kir, di nava atmosfereke pir çandî de pêk hat. Koma govendê ya zarokan a ji bajarê Troisdor ê Elmanyayê beşdarî festîvalê bû, bi govenda gelêrî ya bi kincên neteweyî yên Kurd, bal kişand. Ranya Alici ku pêşkêşiya festîvalê kir, bi performansa xwe ya kemanê eleqeyeke mezin dît.
