Nûnerên Girtîgeha Evînê ya Îranê girtiya siyasî Werîşe Muradî derman nakin û ji ber nikare ji xizmeta tendirustiyê sûdê bigire rewşa wê xerab bûye.
Ajansa HRNAyê bal kişand ser rewşa girtiya siyasî ya Kurd Werîşe Muradî ku li girtîgeha Evînê girtî ye. Ajansê di nûçeyê de diyar kir ku rewşa tendirustî ya Werîşe Muradî ya di girtîgeha Evînê de xirabe û berpirsên girtîgehê xizmeta tenduristiyê pêşkêşî Werîşe Muradî nakin. Di dema borî de tenê carek Werîşe Muradî birine navendek tenduristiyê ya li dervey girtîgehê. Lê wê carê jî bêy ku bi başî bê kontrolkirin, vegerandine girtîgehê. Girtiya siyasî ya Kurd Werîşe Mûradî di 10ê Cotmehê de li dijî cîbicîkirina cezayên darvekirinê ji aliyê rejîma Îranê ve dest bi greva birçîbûnê kiribû. Piştre ji ber zextên rêxistinên civaka sivîl, navnetewî, çalakvan û azadîxwazan de, li ser banga Komeleya Jinên Azad ên Rojhilatê Kurdistanê (KJAR) ya di 25ê Cotmehê de, dawî li çalakiya xwe ya greva birçîbûnê anî bû.
Girtiya siyasî ya Kurd Werîşe Mûradî di 1ê Tebaxa 2023yan de li nêzî Sine ji aliyê pasdarên rejîma Îranê ve hat binçavkirin. Piştî lêpirsîna 5 mehan ya li navenda Îtlaetê (Îstixbarata Îranê) ji bo beşê jinan yê Girtîgeha Evîn ya Tehranê hate veguhestin.
