104 welatiyên ku di komkujiya 10ê Cotmehê ya li Gara Enqereyê de ji aliyê DAIŞê ve hatin kuştin, hatin bibîr anîn.
Di 10ê Cotmeha 2015an de DAIŞê li dijî Mitînga Ked, Aştî û Demokrasiyê ya li Gar a Enqereyê êrişa bombeyî kir û 104 kes hatibûn kuştin. Kesên di komkujiyê de hatin kuştin, di meha 117emîn de li pêşiya Gara Enqereyê hatin bibîranîn. Merasîma bîranînê saet di 10.00an de hat lidarxistin. Malbatên kesên di Komkujiya Pirsûs a Rihayê de hatin kuştin jî beşdarî merasîmê bûn. Di merasîmê de dirûşmên “10ê Cotmehê jibîr neke, nede jibîrkirin”, “Roj dê were, dewran dê biguhere, kujer dê hesabê bidin gel” hatin berzkirin û wêneyên kesên di komkujiyê de jiyana xwe ji dest dane hatin hilgirtin.
Rêveberê Komeleya Aştiyê ya 10ê Cotmehê Can Ateş di merasîmê de axivî û diyar kir ku ev 117 meh in dev ji daxwaza aştiyê bernedane û got: “Em di heman demê de têkoşîna edaletê didin. Biryarên dadgehê têr nakin. Ev têkoşîna edaletê heta em nebêjin dê xilas nebe.”
Endamê Federasyona Komeleyên Ciwanên Sosyalîst (SGDF) Mert Aldemîr jî ev tişt anî ziman: “33 rêwiyên xeyalan, wekî Komkujiya Garê ya 10ê Cotmehê bi destê dewletê hatin kuştin. Kiryar nehatin darizandin. Em bi awayekî aşkera dibêjin, li dijî çeteyên kujer têkoşîna me hevpar e. Em banga xurtkirina têkoşînê dikin da ku kujerên Enqere û Pirsûsê hesabê bidin.”
Merasîm bi dirûşman bi dawî bû.
