Malbatan ji bo endamên HPG, YJA Star û HSDê ku di şer de jiyana xwe ji dest dan, kon danîn. Gel bi girseyî diçe şînê.
Ji bo şervanê Hêzên Sûriyeya Demokratîk (HSD) Ferhad Parlak (Cîger Başkale) ku 15ê Tîrmehê li gundê Ebû Sirê yê girêdayî Kobanê-Çelebiyê jiyana xwe ji dest da, ji bo gerîlaya YJA-Starê Sûltan Nîlî (Asmîn Ardil Dijwar) ku di 18ê Gulanê di encama qezayekê de jiyana xwe ji dest da û ji bo gerîlayê HPGê Îlyas Bînbîrdag (Berbang Çiyager) ku Çileya 2018an şehîd bibû li Wanê konên sersaxî hatin danîn. Endamên MEBYA-DERê, endamên Koordînasyona Saziyên Demokratîk, rêveberên DBPê û DEM Partiyê û gelek kesên din çûn serdana konên sersaxiyê. Girse ewil çû serdana kona sersaxiyê ku li Taxa Şafakê ya navçeya Riya Armûşê ji bo Sûltan Nîlî hatibû danîn. Girse li mala şînê bi dirûşma ‘Şehîd Namirin’ sersaxî ji malbatê re xwest. Piştre jî girse çû serdana kona sersaxiyê ya ji bo Ferhad Parlak ku li Taxa Altintepe ya li navçeya Tûşbayê hatibû danîn. Girseyê li vir jî bi dirûşmeyan berê xwe dan konê sersaxiyê.
Girseyê di dawiyê de tevlî mewlûda ku ji bo İlyas Bînbîrdag a li navçeya Serayê hatibû lidar xistin bû.
