Nûnerên saziyên civakî gerîlaya YJA Starê Kevser Elturk (Ekîn Wan) ku di 10ê Tebaxa 2015an li navçeya Gimgimê ya Mûşê di çalakiyê de hatibû kuştin û bedena wê hatibû teşhîrkirin, di sala 10emîn a kuştina xwe de bi bîr anîn.
Saziyên civakî gerîlaya YJA Starê Kevser Elturk (Ekîn Wan) ku di 10ê Tebaxa 2015an li navçeya Gimgimê ya Mûşê di çalakiyê de hatibû kuştin û piştre jî leşkeran bedena wê teşhîr kiribûn, di sala 10emîn de li ser gora xwe ya li Goristana Karşiyaka ya li Wanê hate bîranîn. Bîranîn, bi pêşengtiya Komeleya Piştgirî û Piştevaniya bi Malbatên Xizmên Xwe li Dergûşa Şaristaniyê Windakirin re (MEBYA-DER) hate lidarxistin û gelek kes tevlî bûn.
Beşdar, bi dirûşma “Şehîd namirin” têketin goristanê û piştre li ser gora Ekîn Wanê deqeyek rêz girtin.
Wekîla DEM Partiyê ya Wanê Gulderen Varli di bîranînê de got: “Di şexsê Ekîn Wanê de tundiya mêr-dewletê ya li dijî gelê Kurd û nefreta li dijî jinan hatiye îfşakirin. Pergala mêr-dewletê bi hemû nexweşikiya xwe winda kir. Têkoşîna Ekîn Wanê ji me re hiştî rêya me ronî dike û em ê teqez bi ser kevin.”
Bîranîn, bi berzkirina dirûşman bi dawî bû.
