Artêşa Îsraîlê piştî gelek êrişên hewayî yên li dijî Xezayê bi armanca dagirkeriyê bi awayeke berfireh dest bi operasyon bejahî kir.
Artêşa Îsraîlê doh bi şev ragihand ku wan bi armanca “dagirkirina” Şirîda Xezayê operasyoneke berfireh a bejahî dane destpêkirin. Îsraîlê, bang Filistîniyên ku hejmara wan derdora mîlyon û nîv e kir ku ji herêmê derkevin.
DYA piştgirî dide
Dewletên Yekbûyî yên Amerîkayê (DYA) bi awayekî aşkere piştgiriyê dide vê operasyonê. Çapemeniya DYAyê ku rayedarên Îsraîlî weke çavkanî nîşan dan, diyar kir ku yekîneyên bejahî yên Hêzên Parastinê yên Îsraîlê ketine Xezayê û di rojên pêş de gelek leşker dê tev li operasyonê bibin.
Wezareta Tenduristiyê ya Xezayê, diyar kir ku ji êrişên Artêşa Îsraîlê dest pê kirine heta niha nêzî 65 hezar Filistînî hatine qetilkirin û diyar kir ku piraniya wan jin û zarok in.
