Rejîma Îranê di nava 20 rojan de li Îranê 146 kes darve kir. Li aliyê din rejîmê di 13 mehan de 49 jin darve kirin.
Kampanyaya ‘Sêşema Na ji Cezayê Darvekirinê re’ ragihand ku girtiyên jin yên siyasî li girtîgeha Evîn ji mafên xwe bêpar tên hiştin û hate gotin; “Di 20 rojên borî de 164 kes hatine darvekirin.”
Kampanyaya ‘Sêşema Na ji Cezayê Darvekirinê re’ ku ji hêla girtiyên siyasî yên li girtîgehên Rojhilatê Kurdistanê û Îranê ve hatiye destpêkirin, di hefteya 90emîn de daxuyaniyek belav kir. Li gorî daxuyaniyê veguhestina girtiyên siyasî yên jin ya ji girtîgeha Qerçek a ji bo girtîgeha Evîn dewam dike. Hate gotin ku dema girtî tên veguhestin rûbiruyî tundiyê tên û hate gotin; “Jinên ku dijî kuştina Sumeye Reşîd dest bi nerazîbûnê kirine, niha ji pêdawîstiyên xwe yên bingehîn bê par hatine hiştin û rewşa wan gelek xirabe. Ev yek binpêkirina mafê mirovane.”
Kampanyayê ragihand ku di nava 20 rojên borî de 164 kes li Rojhilatê Kurdistan û Îranê hatine darvekirin. Di heman daxuyaniyê de bang li civaka navnetewî û azadîxwazan hate kirin ku dijî darvekirinen xwedî helwest bin.
Di 3 salan de 2 hezar û 910 kes hatin darvekirin
Rêveberê Rêxistina Mafên Mirov a Îranê Mehmud Emîrî Muqedem eşkere kir ku di nava sê salên borî de 2 hezar 910 kes li Rojhilatê Kurdistan û Îranê hatine darvekirin. Hat diyarkirin ku rejîma Îranê bi armanca tirsandin û bêdengkirinê zêdetir jinan hedef digre. Li gorî bîlançoya Rêxistina Herana ragihandî di nava 13 mehên borî de 49 jin li Rojhilatê Kurdistan û Îranê hatine darvekirin.
