Heyetek KESKê piştî meşa wan li Enqereyê bi dawî bû, serdana partiyên siyasî kir û daxwazên xwe anî ziman.
Konfederasyona Sendîkaya Kedkarên Cemaweriyê (KESK), li dijî dûrxistina endamên xwe ku bi KHKiyan ji kar hatin derxistin, bi dirûşma “Em ê karê xwe bi paş ve bistînin” di 13ê Cotmehê de ji Amedê ber bi Enqereyê ve dest bi meşê kiribû. Endamên KESKê di roja 4emîn a meşê de duh gihîştin Enqereyê û îro bi daxuyaniyekê meş bi dawî bû.
Heyetek KESKê ji bo daxwazên bîne ziman bi partiyên siyasî re hevdîtin pêk anî. Heyeta KESKê bi DEM Partiyê, CHP, Partiya Kedê, Partiya Yenî Yolê re hevdîtin pêk anî. Di hevdîtinan de heyeta KESKê dosyeya ku daxwazên xwe têde nivîsandibûn, teslimî partiyan kir.
