Amed – MEBYA-DER li gel endam û rêveberên xwe bi girseyî çû sersaxiya gerîlayê HPGê Hasan Opçîn (Çekdar Hanî) a navçeya Peyasê.
Malbata gerîlayê HPGê Hasan Opçîn ê (Çekdar Hanî) ku di 28ê Gulana 2017an de li Eyaleta Zapê jiyana xwe dest dabû li navçeya Peyasê, ji bo kurê xwe sersaxiyê qebûl dikin. Komeleya Çand, Piştevanî û Alîkariyê ya Malbatên Xizmên Xwe li Dêrgûşa Şaristaniyê Winda Kirine re (MEBYA-DER) a Amedê li gel endam û rêvemerên xwe li navçeya Peyasê serdana mala sersaxiyê kir. Di sersaxiyê de Hevseroka Rêxistina DEM Partiyê ya Amedê Gulşen Ozer, rêveberên DBPê, Aktîvîstên TJAyê, Endamên Komeleya 78an, Endamên Komeleya Dayîkên Aştiyê, Hevşaredarên Bajarê Mezin û navçeyên wê, TUAY-DER, Tevgera Meclisa Ciwanan, MED-DER û gelek kesan serdana mala sersaxiyê kir. Girseyê ewil ji bo kesên di têkoşîna azadiyê de jiyana xwe ji dest dane deqeyek rêz girt. Piştî rêzgirtinê dirûşmeya “Şehîd namirin” hate berzkirin.
‘Em ê li ser şopa wan bimeşin’
Hevseroka MEBYA-DERê Gurbet Sevîktek beşdarî merasimê bû û got: “Serê malbata me û hevalên wî sax be. Ji bo em li têkıoşîna wan xwedî derkevin çi ji destê me bê em ê bikin. Em şehîdên xwe bi rêzdarî bi bîr tînin û bejna xwe li ber têkoşîna wan ditewînin. Heta ku em sax bin em ê li ser şopa serokatiyê û şehîdên xwe bin. Di şexsê hevalê me Çekdar Hanî de em hemû hevalên xwe bi rêzdarî bi bîr tînin.”
