* Fîlozof û zanyarên ku li cîhanê navdar in, piştgiriyê didin bang û hewldanên Rêberê Gelê Kurd Abdullah Ocalan. Filozof û zanyar hewldan û banga Abdullah Ocalan wekî gavên bangên dîrokî dinirxînin û dixwazin ku ev firsend neyê windakirin.
* Nivîskar Mehmet Karakuş li ser rêbaza xwe gihandina heqîqet û aliyê mîtolojiyê axivî û got: “Divê her tim li dijî lawaziyê têkoşîneke xurt hebe. Mirov bi têkoşînê digîheje heqîqetê.”
* Hevberdevkê TUAY-DERa Enqereyê Şîrîn Altay diyar kir ku li Girtîgeha Kirşehîrê bi mehan e pirsgirêka ava vexwarinê nehatiye çareserkirin û got: “Têkildarî rewşê rêveberiya girtîgehê ji me re got, ’em çi bikin em jî ava xwe ji derve tînin’. Lê gelo wê girtî avê ji ku bînin?”
* Li Cizîrê Qada Seyrangehê ya Bajêr ji aliyê qeyûm ve radestî Fermandariya Cendermeyan a Cizîrê hatibû kirin û niha park di nava qilêrê û kambaxiyê de maye.
* Amed-Serokê Şaxa ÎHDê yê Amedê Ercan Yilmaz destnîşan kir ku ‘Mafê Hêviyê’ ne rîcayeke û diyar kir ku hewceye ev maf zûtir bê bicihanîn û got: “Divê ev maf ne ji bo birêz Ocalan bi tenê ye, ji bo hemû girtiyên muebetên girankirî û girtiyên nexweş bê bicihanîn.”
* Xelkê Amedê diyar kir ku di pêvajoyek wiha girîng de her kêlî rabûn û dengê balafirên şer nayê qebûlkirin û gotin: “Divê rabûna balafirên şer bê rawestandin.”
* Înîniyatîfa Ji Miriyan re Edalet û Rêzgirtin, dê li oteleke navçeya Artuklu ya Mêrdînê panelek li dar bixe. (10.10-15.00)
* Nobeta Edaletê ya li hember destdirêjiya li ser zarokan di hefteya 4emîn de dê li Kolana Hunerê ya Cizîrê berdewam bike. 11.00
* Rêxistina DEM Partiyê ya Enqereyê wê li avahiya xwe ya navçeya Çankayayê ji bo kongreya bajêr civîna çapemeniyê li dar bixe. (12.00)
* Şaxa ÎHDê ya Amedê û Xizmên Windayan ji bo winda bên dîtin û kujer bên darizandin dê çalakiya xwe ya şemiyê ku li Parka Koşuyolu pêk tîne di hefteya 872yemîn de berdewam bike. (12.00)
